Hardik Patel to Join BJP: ہاردک پٹیل بی جے پی میں شامل ہوں گے

کانگریس کے سابق رہنما ہاردک پٹیل 2 جون کو بی جے پی میں شامل ہوں گے۔ ہاردک پٹیل گاندھی نگر میں بی جے پی کے ریاستی دفتر کملم میں بی جے پی کی رکنیت حاصل کریں۔ Hardik Patel Set to Join BJP

احمد آباد: کانگریس کے سابق رہنما ہاردک پٹیل 2 جون کو باضابطہ طور پر بی جے پی میں شامل ہوں گے۔ ہاردک پٹیل دوپہر 12 بجے گاندھی نگر کے کملم میں بی جے پی کارکن بنیں گے۔ اس دوران مرکزی وزراء کے بھی موجود رہنے کا امکان ہے۔ اس سے قبل 18 مئی کو ہاردک پٹیل نے کانگریس کے تمام عہدوں سے استعفیٰ دے دیا تھا۔ اس کے بعد انہوں نے پریس کانفرنس کرتے ہوئے کانگریس کو نشانہ بناتے ہوئے پارٹی کی قیادت پر کئی سوال اٹھائے تھے۔ حالانکہ اس وقت ہاردک پٹیل نے کہا تھا کہ انہوں نے بی جے پی میں شامل ہونے کا کوئی فیصلہ نہیں کیا ہے لیکن آج آخر کار یہ خبر آ ہی گئی کہ ہاردک پٹیل بھی بی جے پی خیمہ میں شامل ہوں گے۔ حالانکہ کانگریس سے استعفیٰ دینے سے پہلے ہی ہاردک پٹیل نے کئی بار بی جے پی میں شامل ہونے کا اشارہ دیا تھا۔

ہارک پٹیل نے بھگوا مفلر والی ایک تصویر بھی پوسٹ کی۔ بعد میں انہوں نے کئی مقامات پر بی جے پی حکومت کی تعریف کی۔ وہ کانگریس میں رہتے ہوئے بھی بی جے پی کے کچھ لیڈروں کے ساتھ ایک ہی پروگرام میں ایک ہی اسٹیج پر نظر آئے تھے۔ اب ہاردک پٹیل بی جے پی میں شامل ہوں گے۔ Hardik Patel to Join BJP