گجرات: آئین کی حفاظت کرنے کے لیے لیا گیا حلف

گجرات میں یوم جمہوریہ کا جشن بڑے ہی شاندار طریقے سے منایا گیا، احمدآباد کے شاہ پور علاقے میں پانچ ہزار سے زائد اسکولی طلبا کے ساتھ تمام مذاہب کے مذہبی رہنماؤں نے ایک ساتھ رسم پرچم کشائی ادا کی۔

یہاں رسم پرچم کشائی کے بعد ملک کے آئین کا پریمبل پڑھ کر ملک کو سب سے بڑی حکومت بنانے، گجرات ترقی پر گامزن رہ کر اول نمبر ریاست بنے اور سب مل جل کر ملک کے آئین کی حفاظت کرنے کے ساتھ ساتھ قومی ایکتا و بھائی چارہ قائم رکھنے کا حلف لیا گیا۔

پانچ ہزار سے زائد اسکولی طلبا بھی موجود

اس تعلق سے احمد آباد کے رکن اسمبلی غیاث الدین شیخ نے کہا کہ 'آج ملک کا آئین خطرے میں ہے ملک کی جمہوریت کو خطرہ ہے ایسے میں آئین کے پریمبل پر عمل کرتے ہوئے اس ملک کے آئین کی حفاظت، ملک جمہوریت کی حفاظت، ملک کے میں ہم آہنگی بھائی، چارہ قومی اتحاد قائم رکھنے کے لیے آج ہم نے حلف لی ہے'۔

گجرات میں یوم جمہوریہ کا جشن بڑے ہی شاندار طریقے سے منایا گیا

اس موقع پر موجود مفتی اسجد قاسمی نے کہا کہ 'آج ہی کے دن ملک کا دستور بنا تھا اس لیے آج کافی خوشی دن ہے، ہم نے پرچم کشائی کر حلف لیا ہے کہ ہم مرتے دم تک اس ملک کی حفاظت کریں گے اور ملک کے دستور کی حفاظت کریں گے'۔