گجرات: بس پلٹنے سے متعدد زخمی

گجرات کے کچھ ضلع کے انجار علاقے میں منگل کے روز ایک بس پلٹ جانے سے اس میں سوار 15 لوگ زخمی ہوگئے۔

پولیس نے بتایا کہ بُھج سے گاندھی دھام کی جانب جانے والی ایک پرائیویٹ لگژری بس آج صبح بُھج۔گاندھی دھام شاہراہ پر اچانک بے قابو ہوکر انجار سرکل کے نزدیک پلٹ گئی۔

حادثے میں بس میں سوار 15 لوگ زخمی ہوگئے۔ زخمیوں کو اسپتال پہنچایا گیا ہے۔ پولیس نے موقع پر پہنچ کر ضروری کارروائی شروع کردی ہے۔