گجرات: ہائی کورٹ کا خستہ حال سڑکوں کو درست کرنے کا حکم

محکمہ موسمیات کی توقعات سے زیادہ امسال پورے گجرات میں بارش ہوئی، بارش کے بعد گجرات کے سڑکوں کی حالت بھی خستہ ہوگئی۔

ایسی صورتحال میں گجرات ہائی کورٹ نے گجرات کے چیف سکریٹری جے این سنگھ کو گجرات کی خراب سڑکوں پر سرزنش کی تھی اور گجرات حکومت کو خستہ حال سڑکوں کی مرمت کا حکم دیا تھا۔

عدالت کے حکم کے باوجود، جب سڑک ٹھیک نہیں ہوئی تو گجرات ہائی کورٹ نے چیف سکریٹری سے پوچھا کہ آپ کو جیل کیوں نہیں بھیجیں؟ عدالت نے چیف سکریٹری جے این سنگھ سے اس معاملے میں جواب پیش کرنے کو کہا ہے۔ اس معاملے کی اگلی سماعت 28 نومبر کو ہوگی۔

ماہ ستمبر میں گجرات بی جے پی کے نائب صدر آئی کے جڈیجہ نے ٹویٹ کرکے تباہ حال سڑک پر ناراضگی کا اظہار کیا تھا۔ جڈیجہ نے ٹویٹ کیا تھا کہ احمدآباد کے بوپل پل سے شانتی پورہ چوراہے تک کا راستہ انتہائی خراب حالت میں ہے۔

اوڈا (احمدآباد اربن ڈیولپمنٹ اتھاریٹی) کے حکام اس سڑک پر چلیں گے؟ کیا اوور بریج کا کام کر رہے کانٹریکٹر کی کوئی ذمہ داری نہیں ہے؟