مرکزی وزیر داخلہ امیت شاہ نے کل ایک انٹرویو میں کہا کہ تیستا نے گجرات فسادات کے حوالے سے پولیس کو بے بنیاد معلومات دی تھیں۔ سُپریم کورٹ نے جمعہ کے روز گجرات کے اس وقت کے وزیر اعلیٰ نریندر مودی کی طرف سے 2002 کے تشدد کیس میں کلین چٹ دینے کےخلاف عرضی کو خارج کر دیا تھا۔ جس کے بعد تیستا سیتلواڑ کا نام ایک بار پھر سُرخیوں میں آیا ہے اور ممبئی سے اے ٹی ایس نے تیستا کو گرفتار کیا۔ Teesta Setalvad in Gujarat ATS Custody
تیستا سیتلواڑ ایک سماجی کارکن اور صحافی ہیں۔ وہ سٹیزن فار جسٹس اینڈ پیس (CJP) کے سیکرٹری بھی ہیں۔ جو کہ 2002 میں گجرات تشدد کے متاثرین کی وکالت کے لیے بنائی گئی ایک تنظیم ہے۔ ممبئی میں پیدا ہونے والی تیستا نے ممبئی میں اپنی تعلیم مکمل کی۔ تیستا کے والد اتل سیتلواڑ پیشے سے وکیل تھے۔ تیستا کے دادا ایم سی سیتلواڑ بھارت کے پہلے اٹارنی جنرل رہ چکے ہیں۔ جبکہ تیستا کے شوہر آنند بھی صحافی ہیں۔ تیستا سیتلواڑ کو 2007 میں اس وقت کے صدر عبدالکلام نے پدم شری سے نوازا تھا۔ اس سے قبل 2002 میں تیستا کو راجیو گاندھی نیشنل خیر سگالی ایوارڈ بھی ملا تھا۔ انہیں 2000 میں پرنس کلاؤس ایوارڈ اور 2003 میں نیورمبرگ انٹرنیشنل ہیومن رائٹس ایوارڈ بھی ملا ہے۔