احمدآباد: گجرات اسمبلی انتخابات 2022 کے نتائج کا اعلان آج کیا جائے گا،اس کی تمام ترتیاریاں مکمل کرلی گئی ہے۔ گجرات میں کل 1621 امیدواروں نے انتخابات میں حصہ لیا۔ ان میں مسلم امیدواروں کی تعداد 236 ہے جن کی قسمت کا فیصلہ آج ہوگا۔ Gujarat Assembly Election Result Today 236 Muslim Candidates Also Contest اسمبلی انتخابات 2022 کے لئے کانگریس، عام آدمی پارٹی اور ایم آئی ایم اور آزاد امید واروں کے بشمول کل 236 مسلم امیدوار انتخابی میدان میں تھے، جب کہ بی جے پی نے ایک بھی مسلم امیدوار کو ٹکٹ نہیں دیا۔ بی جے پی نے تقریبا تمام سیٹوں پر امیدوار کھڑے کیے۔ 2017 کے برعکس بی جے پی نے ایک بھی سیٹ پر اقلیتی امیدوار کھڑا نہیں کیا ہے۔
کانگریس کے چھ مسلم امیدواروں میں ابڈاسا سے محمد بھائی جنگ، وانکا نیر سےجاوید پیر زادہ، واگھرا سے سلیمان پٹیل، سورت سے اسلم سائیکل والا، دریاپور سے غیاث الدین شیخ اور جمالپور کھاڑیہ سے عمران کھیڑا والا کو ٹکٹ دیا ہے۔ اس کے علاوہ گجرات میں پہلی مرتبہ عام آدمی پارٹی بھی اسمبلی انتخابات لڑ رہی ہے۔ عام آدمی پارٹی کی جانب سے صرف تین سیٹوں پر مسلم امیدوار اتارے گئے۔