کشتی میں آتشزدگی ، ایک ماہی گیر لاپتہ

گجرات میں پوربندر کے قریب ماہی گیروں کی ایک کشتی میں اچانک آگ لگنے سے کشتی سمندر میں ڈوب گئی جس سے ایک ماہی گیر لاپتہ ہوگیا۔

سرکاری ذرائع نے بتایا کہ پوربندر کے نزدیک مچھلی پکڑنے سمندر میں گئے ماہی گیروں کی کشتی میں صبح اچانک آگ لگ گئی اور کشتی سمندر میں ڈوب گئی۔

اس دوران کشتی میں سوار ماہی گیروں کو دوسری کشتی کے ماہی گیروں نے بچا لیا جبکہ ایک ماہی گیرلاپتہ ہوگیا۔اسے سمندر میں ڈھونڈا جارہا ہے۔