کیمیکل کمپنی کے گودام میں آتشزدگی

گجرات کے ودودرا شہر کے فتح گنج علاقے میں ایک کیمیکل کمپنی کے گودام میں زبردست آگ لگ گئی۔ حادثے میں کسی کے ہلاک ہونے کی اطلاع نہیں ہے۔

محکمہ فائر بریگیڈ کے افسر اوم جڈیجہ نے بتایا کہ نیشنل کیمیکل سینٹر کے گودام میں صبح کے وقت اچانک آگ لگ گئی۔ اطلاع ملتے ہی فائر بریگیڈ کی 18 گاڑیاں موقع پر روانہ کی گئیں اور تقریباً چار گھنٹوں کی سخت مشقت کے آگ پر قابو پالیا گیا۔

آگ میں کسی کے ہلاک یا زخمی ہونے کی کوئی اطلاع نہیں ہے۔ اس گودام میں 400 کیمیکل اسٹور ہیں اور یہاں پانچ ہزار میٹرک ٹن سے زیادہ کیمیاوی مادہ رکھا ہوا ہے۔ فائر بریگیڈ کے اہلکار ابھی بھی دھواں باہر نکالنے (کراس وینٹی لیشن) کے کام میں مصروف ہیں۔