سوشل ڈسٹنسنگ کے ساتھ احمدآباد میں عید الفطر منائی گئی

کورونا وائرس کے بحران کے سبب آج پورے ملک میں انتہائی سادگی کے ساتھ اور سوشل ڈیسٹنسنگ کا خیال رکھتے ہوئے عیدالفطر منائی گئی احمدآباد میں لوگوں نے گھروں میں بالکل سادگی کے ساتھ نماز ادا کی اور فاصلوں کے ساتھ عید کی مبارکباد پیش کی۔

بھارت میں آج عید الفطر منائی جارہی ہے کورونا وائرس کی وجہ سے عید بے حد سادگی سے لوگ مناتے نظر آئے۔ مساجد کے دروازے بند ہو اس سے لوگوں نے اپنے گھروں میں فاصلوں کے ساتھ عید کی نماز ادا کی۔

اس تعلق سے سے مقامی مولانا غلام سید اشرفی نے کہا کہ ملک میں لاک ڈاؤن نافذ ہے کیونکہ کورونا وائرس کی وبا پھیلی ہے ایسے میں حکومت کی گائیڈ لائن کا خیال رکھتے ہوئے ہم نے ماہ رمضان منایا اور آج عید الفطر کاتہوار بھی منایا گھر میں ہی نماز ادا کی۔ سوشل میڈیا سے عید کی مبارکباد پیش کی۔ اور کسی کے گھر نہیں گئے۔

عید کی نماز عید گاہ اور مساجد میں ادا کی جاتی تھی لیکن یہ پہلی بار ہوا ہے کہ لوگ عید کی نماز گھر میں ادا کر رہے اور مساجد میں چار فرد نے نماز ادا کی اس لیے گھروں میں ایک الگ سی رونق دکھائی دے رہی ہیں۔