اردو

urdu

ETV Bharat / state

'تعلیم ہی ملک کی ترقی کا ضامن' - تیسرا میگا ایجیو فیسٹ

تعلیمی شعور بیداری کے لیے احمدآباد میں دو روزہ 'میگا ایجیو فیسٹ' کا اہتمام کیا گیا، جس میں طلبا اور اساتذہ نے کثیر تعداد میں شرکت کی۔

تعلیم قوم و ملک کی ترقی کا ضامن
تعلیم قوم و ملک کی ترقی کا ضامن

By

Published : Dec 23, 2019, 10:13 AM IST

Updated : Dec 23, 2019, 11:50 AM IST

ملک کی ترقی اور اچھے معاشرے کے لیے تعلیم حاصل کرنا بے حد ضروری ہے۔ اس تناظر میں ریاست گجرات کے شہر احمدآباد میں تیسرا میگا ایجیو فیسٹ' کا اہتمام کیا گیا، جس میں مختلف پروگرامز، سیمینارز، ورکشاپز کیے گئے۔

آخری دن کے پروگرام میں شرکت کرنے والے شاہین فاؤنڈیشن کے بانی ڈاکٹر عبدالقدیر نے فاؤنڈیشن کی کامیابی کی کہانی سنائی اور فاؤنڈیشن کی خدمات اور کارگزاریوں کو بتایا۔

'تعلیم ہی ملک کی ترقی کا ضامن'

اس موقع پر ڈاکٹر عبدالقدیر نے ای ٹی وی بھارت سے بات کرتے ہوئے کہا کہ اس ایجیو فسیٹ نے طلبا میں ایک نئی جان پھونک دی ہے، جس طرح سے یہاں تمام پروگرام اور نمائش پیش کی گئی وہ قابل تعریف ہے۔

شاہین فاؤنڈیشن نے بدلتے زمانے میں تعلیم کے مسائل اور طلبا کی پریشانیوں کو دور کرنے کے لیے ایجیو فسیٹ کے پلیٹ فارم سے مختلف اساتذہ اور اسکالرز کے ذریعہ طلبا کی رہنمائی کی۔

اس سلسلے میں ماہر تعلیم مہرالنساء دیسائی نے کہا کہ 'ایسے تعلیمی پروگرام کرنے کی بے حد ضرورت ہے اور ہم چاہتے ہیں کہ ہر برس اس طرح کے ایجوکیشن فیسٹیول کا اہتمام کیا جائے تاکہ بچوں کا مستقبل سنور سکے اور سماج مضبوط ہو سکے۔


میگا ایجوفیسٹ میں بڑی تعداد میں طلبا و طالبات نے حصہ لے کر فائدہ اٹھایا۔ یہاں موجود سائنسی نمائش، اسٹالز اور نئے ماڈلز کو دیکھ کر خوب تعریف کی گئی۔

اس کے ساتھ ہی نمایاں خدمات اور مختلف عہدوں پر فائز مسلم طلبا کی نمایاں خدمات پر ایوارڈ سے نوازا گیا، جسے حاصل کرکے طلبا نے خوشی کا اظہار کیا۔

Last Updated : Dec 23, 2019, 11:50 AM IST

ABOUT THE AUTHOR

...view details