بدرالدین شیخ نے نمائندہ ای ٹی وی بھارت روشن آرا سے خصوصی بات چیت کرتے ہوئے کہا کہ کانگریس کی جیت طے ہے بی جے پی چاہیے کچھ بھی کرلیں لیکن کانگریس کے دونوں امیدواروں کو جیت حاصل ہوگی۔
انہوں نے کہا کہ بی جے پی ہمیشہ سے ہی اراکین اسمبلی کی خرید فروخت کا کام کرتی آئی ہے اس وجہ سے کانگریس اپنے اراکین اسمبلی کو بچانے کے لیے کسی دوسری جگہ بھی لے جا سکتی ہے۔ اور کراس ووٹنگ سے بچانے کے لیے ہر ممکن کوشش کانگریس کرنے کو تیار ہے۔ کانگریس کو تمام اراکین اسمبلی کے ووٹ حاصل ہوں گے ۔
انہوں نے کہا کانگریس کو بھی اس بار بی جے پی سے کچھ ووٹ حاصل ہو سکتے ہیں۔
دراصل گجرات میں 26 مارچ کو ہونے والے راجیہ سبھا الیکشن کے لیے بی جے پی اور کانگریس کے تمام امیدواروں نے پرچہ نامزدگی کل داخل کر دیا ہے جس میں کانگریس کے سینیئر ترجمان شکتی سنگھ گوہل اور سابق گجرات کانگریس کمیٹی کے صدر بھرت سنگھ سولنکی اور بی جے پی سے ابھیے بھاردواج ، رمیلا بارا اور نرہری امین کاشمار ہوتا ہے۔
واضح رہے کہ گجرات راجیہ سبھا الیکشن کے لیے 4 سیٹوں خالی ہیں لیکن امیدوار پانچ ہیں۔ فی الحال 182 اسمبلی سیٹیں ہیں لیکن اس میں بھی 179 ہی ایم ایل ایز ہیں۔ جس میں بی جے پی کے 103،کانگریس کے 72،بی ٹی پی کے 2،این سی پی کے 1،اور آزاد امیدوار 1 تاہم 3 سیٹیں خالی ہے۔