گجرات: کانگریس کمیٹی کے دفتر کے باہر جشن

دفتر کے باہر بڑی تعداد میں کانگریس پارٹی کے کارکنان اپنے ہاتھوں میں کانگریس کا پرچم لہرا کر 'کانگریس زندہ آباد' کے نعرے لگائے۔

ریاست گجرات کے ضلع احمدآباد کے پالڑی علاقے میں موجود گجرات کانگریس کمیٹی کے دفتر کے باہر جھارکھنڈ اسمبلی انتخابات میں کانگریس کی جیت کا جشن منایا گیا۔

دفتر کے باہر بڑی تعداد میں کانگریس پارٹی کے کارکنان اپنے ہاتھوں میں کانگریس کا پرچم لہرا کر 'کانگریس زندہ آباد' کے نعرے لگائے۔

اس موقع پر گجرات کانگریس کے صدر امت چاوڑا نے کہا کہ جھارکھنڈ کے نتائج کے بعد صاف ہوچکا ہے کہ ملک کو تقسیم کرنے والی سیاست نہیں چلے گی۔

انہوں نے کہا کہ ملک میں جمہوریت کو ختم کرنے والی حکومت نہیں چلے گی بلکہ ملک میں آئین کو ختم کرنے والے حکمران ہی نہیں چلیں گے، عوام کی تکلیف کو سمجھنے والے لوگ ہی اب سیاست و حکومت میں چلیں گے۔