گجرات میں وقف بورڈ کا سٹیزن چارٹ

وزیراعلیٰ وجے روپانی نے گجرات وقف بورڈ کی جانب سے تعمیر کردہ سٹیزن چارٹر کا افتتاح کیا تھا، جس سے وقف بورڈ کے کثیر مسائل کو حل کیا گیا۔

ریاست گجرات کے دارالحکومت گاندھی نگر میں وقف املاک کے مسائل کو حل کرنے کے لیے گجرات وقف بورڈ نے سٹیزن چارٹر بنایا،اور تقریباً ایک برس کے درمیان بڑی تعداد میں وقف املاک کے کیسز اور مسائل کا کیا۔

خیال رہے کہ 26 دسمبر سنہ 2018 کو وزیراعلیٰ وجے روپانی نے گجرات وقف بورڈ کے سٹیزن چارٹر کا افتتاح کیا تھا، گجرات کے 12 ہزار وقف ٹرسٹیز کو اکھٹا کرنے اور اسکیم کو بروئے کار لانے کے لیے سٹیزن چارٹر بنایا گیا تھا۔

اس چارٹر کے تحت گجرات سے ہر روز وقف املاک اور ٹرسٹیز کی پریشانیوں کی درخواست پر کام کیا جاتا ہے اس سلسلے میں گجرات وقف بورڈ چیرمین سجاد ہیرا نے ای ٹی وی بھارت سے کہا کہ جس مقصد کے پیش نظر نے سٹیزن چارٹر بنایا تھا وہ کافی حد تک مکمل ہورہا ہے ۔

واضح رہے کہ سیٹزن چارٹر کے تحت گجرات وقف بورڈ نے 12 کھڑکیاں بنائی ہیں اور ہر کھڑکی پر متولیوں کی عرض داشت لی جاتی ہے۔

اب تک محض کھڑکی نمبر آٹھ سے 2120 درخواستیں قبول کی گئی ہیں، جن میں سے 2050 درخواستوں کا مسئلہ حل بھی کیا جاچکا ہے۔

خیال رہے کہ گجرات وقف بورڈ متولیوں کی پریشانیوں کو دور کرنے کے لیے ہر ممکن اقدامات کررہا ہے۔