گجرات محکمہ موسمیات کے ڈائریکٹر جینت سرکار کے مطابق 28، 29 مئی کو جنوبی گجرات میں بارش متوقع ہے جبکہ شوراشٹر میں 30 سے 31 مئی کو بارش ہوگی۔ اس کے علاوہ امریلی، بھاؤنگر گیر سومناتھ میں بھی بارش ہونے کا امکان ہے۔
ایک طرف بارش کی پیشنگوئی کے درمیان بحرے عرب میں دو بڑے طوفانوں کی پیشنگوئی بھی کی جارہی ہے۔ اس کے ساتھ ہی محکمہ موسمیات حرکت میں آگیا ہے۔ محکمہ موسمیات کا کہنا ہے کہ بارش کی پیشنگوئی کے درمیان گجرات میں گرمی کی لہر بھی بدستور برقرار رہے گی۔ صرف یہی نہیں اگلے 48 گھنٹوں کے لیے احمدآباد میں اورینج الرٹ کا اعلان کیا گیا ہے۔ شمالی گجرات کے بناس کانٹھا، سابرکانٹھا اور کچھ علاقوں میں بھی ‘ہیٹ ویو’ کی پیشن گوئی کی گئی ہے۔
گجرات میں تیز آندھی اور بارش کا امکان
اس تعلق سے موصولہ اطلاعات کے مطابق ریاست میں گرمی کی لہر ایک جیسی رہے گی۔ لیکن محکمہ موسمیات نے متعدد شہروں میں اورنج الرٹ کی پیشنگوئی کی ہے۔ بناس کانٹھا، سابر کانٹھا، سورت بہاؤنگر اور احمدآباد میں ہیٹ ویو کی پیشنگوئی کی گئی ہے تاہم اگلے 48 گھنٹے احمدآباد کے لیے بہت بھاری ہے جس کے لیے اورینج الرٹ جاری کیا گیا ہے۔
اس تعلق سے محکمہ موسمیات نے واضح کیا ہے کہ آئندہ 48 گھنٹوں کے دوران ریاست کے کسی بھی حصے میں بارش ہونے کا امکان نہیں ہے۔ لیکن جنوبی گجرات میں 28 اور 29 مئی کے درمیان معمولی بارش کی پیشنگوئی کی گئی ہے جبکہ 30 اور 31 مئی کو ساٹھ کے ساحلی علاقے امریلی، بھاونگر، گیر، سومناتھ میں معمولی بارش کی پیشنگوئی کی ہے۔ دوسری طرف مختلف ماڈلز کی تحقیق کی جا رہی ہے کہ آیا یہ بحر عرب میں کوئی سمندری طوفان آئے گا یا نہیں۔ اس تعلق سے آئندہ دو تین روز میں صورتحال واضح کی جائے گی۔
گجرات میں بحر عرب میں ایک نیا سائیکلون پیٹرن تشکیل پا رہا ہے۔ اس طوفان کی وجہ سے ریاست میں ایک سے تین جون کے درمیان بارش ہو سکتی ہے جبکہ شوراشٹر کے کچھ اضلاع میں تیز بارش کے ساتھ تیز ہواؤں کے چلنے کی توقع بھی ہے۔
اس کے علاوہ چھ جون کو ریاست میں ایک اور سمندری طوفان آنے کا امکان ہے۔ سمندری طوفان لکشدیپ کے جزیروں کے قریب بن رہا ہے۔ 31 مئی سے شروع ہو کر یہ بنگلور، گوا، مہاراشٹر کے ساحل کے راستے گجرات آئے گا۔ یہ طوفان گجرات کے گیر، سومناتھ ضلع میں ٹکرا سکتا ہے۔ توقع ہے کہ یہ سمندری طوفان کی رفتار 110 کلومیٹر فی گھنٹہ ہو سکتی ہے۔
