مکر سنکرانتی کے موقع پر زخمی پرندوں کو بچانے کی مہم

مکر سنکرانتی تہوار کے دن گجرات میں بڑے ہی جوش و خروش کے ساتھ پتنگ بازی کی جاتی ہے. پتنگ کی ڈور سے بڑی تعداد میں معصوم پرندے زخمی ہو جاتے ہیں اور کچھ مر بھی جاتے ہیں۔ ایسے می‍ں زخمی پرندوں کو بچانے اور ان کے علاج کے لیے احمدآباد کے جوہا پورہ میں کورونا ابھیان اور احمد شاہ آرمی تنظیم کی جانب سے کیمپ کا اہتمام کیا گیا۔

زخمی پرندوں کے علاج اور اس کے تحفظ کے پیش نظر ویجل پورہ حلقہ سے رکن اسمبلی کشور چوہان نے کہا کہ گجرات میں مکرسنکرانتی کا جشن پتنگ اڑا کر منایا جاتا ہے۔احمدآباد کے لوگ تو کافی دھوم دھا سے پتنگ بازی کرتے ہیں لیکن پتنگ بازی کے دوران چائنیز ڈور کے سبب کئی پرندے زخمی ہو جاتے ہیں۔ زخمی پرندوں کے علاج کے لیے کورونا ابھیان اور احمدشاہ آرمی کی طرف سے جو خدمات کی جا رہی ہیں وہ قابل تعریف ہیں۔

تو وہیں کرونا ابھیان تنظیم کے کارکن عارف دیوان نے کہا کہ ہر سال احمد آباد میں بڑی تعداد میں پرندے زخمی ہوتے ہیں ۔لیکن رواں برس کورونا وائرس کے سبب لوگ بہت کم پتنگ بازی کی ہے جس سے زخمی پرندوں کی تعداد کم ہے ۔

اس موقع پر احمد شاہ آرمی کے رکن معین کھوکر نے کہا کہ آج انہوں نے جیو دیا کرونا تنظیم کے ساتھ مل کر پرندوں کو بچایا ہے جس پر انہیں بے حد خوشی ہے ۔

واضح رہے کہ اس کیمپ آنے والے لوگوں کو گجراتی زبان میں قرآن شریف بطورِ ہدیہ دے کر قومی اتحاد کی مثال بھی پیش کی گئی اور یہاں سےامن و امان کا پیغام دیا گیا.