احمدآباد: غیر قانونی طور پر مقیم 11 بنگلہ دیشی گرفتار

ریاست گجرات کے شہر احمدآباد کی پولس نے ایسان پور پولس تھانہ کے چندولا تالاب علاقہ میں غیرقانونی طور پر رہنے والے 11 بنگلہ دیشی شہریوں کو حراست میں لیا ہے۔

احمدآباد پولیس نے بتایا کہ اطلاع ملنے پر احمدآباد پولس کے خصوصی آپریشن گروپ نے ان شہریوں کو گرفتار کیا ہے۔ پوچھ گچھ کے دوران انہوں نے ایسے کوئی دستاویزات یا کاغذات نہیں دکھائے جس سے یہ معلوم ہو کہ بھارت میں وہ جائز طریقہ سے داخل ہوئے تھے۔

پولس نے بتایا کہ اس معاملے میں چھان بین شروع کی گئی ہے اور جلد ہی انہیں ان کے ملک بھیج دیا جائے گا۔