احمدآباد: تعزیے پر چاندی کا نقش چڑھانے کا انوکھا طریقہ

احمدآباد کا شمار ورلڈ ہیریٹیج سیٹی میں کیا جاتا ہے، کیونکہ یہاں ایک سے بڑھ کر ایک تاریخی وراثت موجود ہیں۔ ایسے می‍ں ماہ محرم پر نکالے جانے والے تعزیے اور امام بارگاہوں میں موجود پرکشش پانچ معدنیات سے بنے تعزیہ بھی اپنی تاریخ حیثیت رکھتے ہیں، جنہیں دیکھنے کے کے لیے ملک بھر سے سیاح آتے ہیں۔ اس کے ساتھ ہی تعزیے کی زیارت اور اپنی اپنی منت بھی مانگتے ہیں، لیکن احمدآباد کے بڑے امام باڑے میں منت مانگنے کا ایک منفرد طریقہ ہے۔

احمدآباد کے نور شاہی بڑے امام باڑے عقیدت مندوں کو منت مانگنے کے لیے مختلف شببیہ کے چاندی کے نقش موجود ہوتے ہیں۔ جیسے عقیدت مند اپنے عقیدے کے ساتھ اس نقش کا ہدیہ دے کر کے نقش تعزیہ پر چڑھاتے ہیں اور اپنی منت مانگتے ہیں۔

اس تعلق سے ایک عقیدت مند نے کہا کہ، 'اس کے پاس گھر نہیں تھا، تو تین سال قبل اس نے چاندی کا گھر بنے ہوئے نقش کو تعزے پر چڑھایا تھا اور اب اس کے اپنے گھر کی مراد پوری ہونے پر وہ دوبارہ چاندی کے گھر کا نقش چڑھانے آیا ہے۔'

تعزیے پر چاندی کا نقش چڑھانے کا انوکھا طریقہ

تو اس چاندی کے نقش کودینے والے امام باڑے کے لوگوں کا کہنا ہے کہ، 'یہاں جھولے، گھر، آنکھ، کان، مختلف اعضاء، پیسے، بچے وغیرہ کا نقش بنا کر رکھا گیا ہے، جس کے جو نہیں ہے اور جو عقیدت مند منت مانگنا چاہتا ہے وہ نقش یہاں سے حاصل کر تعزیے پر چڑھاتے ہیں اور ان کی مراد امام حسین علیہ السلام پورا کرتے ہیں۔ یہاں محرم کے موقع پر ہر روز ہزاروں کی تعداد میں عقیدت مند آکر اس طرح منت مانگتے ہیں۔ یہ روایت برسوں سے یہاں چل رہی ہے۔