ASBK Adbi Award مختلف شعبوں سے وابستہ شخصیات کو اسباق ادبی ایوارڈ 2023 سے نوازا گیا

احمدآباد کے سردار ولبھ بھائی پٹیل اسمارک میں گجرات کے مشہور ادبا، شعرا، صحافیوں اور اساتذہ کو اسباق ادبی ایوارڈ 2023 سے نوازا گیا۔ ادارے کی سیکریٹری حافظ ولی احمد خان کے زیر اہتمام یہ ایوارڈ دے گئے۔ اس موقعے پر احمدآباد کی ایف ڈی ہائی اسکول فار گرلز طالبات کو بھی مختلف میڈل سے نوازا گیا۔ Asbk Adbi Award

احمدآباد:ریاست گجرات کے احمدآباد میں واقع سردار ولبھ بھائی پٹیل اسمارک میں گجرات کے مشہور ادبا،شعراء،صحافی اور اساتذہ کو اسباق ادبی ایوارڈ 2023 سے نوازا گیا۔اسباق ادبی ایوارڈ 2023 کے پروگرام میں اسباق پبلشر کی جانب سے چار کتابوں کا رسم اجرا بھی ہوا۔ اس موقعے پر ایوارڈ یافتہ صحافی غلام محمد انصاری نے کہا کہ یہ بہت اچھی پہل ہے۔ اسباق ادبی ایوارڈ 2023 سے گجرات کی مختلف شخصیات کو نوازا گیا۔ ولی احمد خان کی کوشش قابل تعریف رہی ہے۔ ان کی محنت کی وجہ سے آج اتنے سارے ادبا اور شعراء ایک پلیٹ فارم پر اکھٹا ہوئے جو برسوں سے اردو ادب میں اپنی خدمات انجام دے رہے ہیں۔

وہیں اس موقعے پر پروفیسر محی الدین بامبے والا کہا کہ جس طریقے سے اردو زبان کی ترویج و اشاعت کی ضرورت ہے۔ اس طرح کا کام فی الحال نہیں ہو رہا ہے۔ اردو زبان کو زندہ رکھنے کی کافی ضرورت ہے۔قارئین کی وجہ سے اردو زندہ ہے ۔لوگوں کو اردو پڑھنا چاہیے کیونکہ اردو کو زندہ کرنا آج کے زمانے میں بہت ضروری ہے۔ ریحانہ قاضی تنہا نے کہا کہ میری اردو میں دو کتابیں شائع ہوچکی ہے جو شعری مجموعہ ہے۔میری اردو میں جو خدمات ہے۔ اسے مدنظر رکھتے ہوئے مجھے آج ایوارڈ دیا گیا اس کے لئے میں کافی خوش ہوں۔ میری وجہ سے میرے شہر کا نام بھی روشن ہوا۔میں آگے بھی میں اردو کے لئے خدمات انجام دیتی رہوں گی۔