اسدالدین اویسی نے کہا کہ مقامی پولیس نے ہمارے قافلے کو روک دیا جب کہ ہم گجرات کی سیاست میں پوری طرح حصہ لینے آئے ہیں۔ گجرات اسمبلی انتخابات 2022 کی تیاریاں جاری ہیں ہم ریاستی صدر سے مشورے کے بعد ہی امیدواروں کا نام ظاہر کریں گے۔
اس دوران کانگریس کے ایک کاؤنسلر شہزاد خان نے اسدالدین اویسی سے ملاقات کی تھی جس کے بعد قیاس کیا جارہا ہے کہ وہ ایم آئی ایم میں شامل ہوں گے۔ اس تعلق سے اسدالدین اویسی نے کہا کہ ابھی شہزاد خان سے ملاقات ہوئی ہے وہ اگر پارٹی میں شامل ہوتے ہیں تو ہمارے دروازے کھلے ہیں۔
ایم آئی اہم صدر نے کہا کہ کانگریس کا مستقبل اب تاریک ہے اس لیے کانگریس کارکنان دوسری پارٹیاں جوائن کررہے ہیں۔ ہم مضبوطی کے ساتھ 2022 کے اسمبلی انتخابات لڑنے والے ہیں اور 15 روز کے بعد دوبارہ گجرات آئیں گے۔
