AIMIM Protest In Ahmedabad اے آئی ایم آئی ایم گجرات نے کیرالہ حملے کی مذمت کی

کیرالہ میں ہوئے سیریل بلاسٹ کے معاملے پر آل انڈیا مجلس اتحاد المسلمین گجرات احمد اباد کے اسٹوڈیا دروازے پر کینڈل جلا کر متاثرین کے دکھ میں شامل ہوئی اور اس مشکل وقت میں ہمت دینے کے لیے دعا کی اور کیرالہ میں جو حادثہ ہوا اس کی سخت مذمت کی۔

احمدآباد: آل انڈیا مجلس اتحاد المسلمین گجرات کے ترجمان دانش قریشی نے کہا کہ ایک قوم کو نشانہ بنایا گیا۔ ایسی واردات کی ہم مذمت کرتے ہیں۔ ہم امید کرتے ہیں کہ ملک میں امن و امان قائم رہے اور ملک مخالف طاقتیں جو اس طرح سے حرکت میں ہیں ان کا خاتمہ ہو۔کیرالہ میں جو دہشت گردانہ حملہ ہوا اس کے خلاف آواز اٹھائی اور کینڈل جلا کر یکجہتی کا اظہار کیا۔

انہوں نے مزید کہا کہ دیکھیے آج جو پورا واقعہ ہوا ہے اس میں ایک خاتون کی موت یوئی ہے اور عنقریب 20 سے زیادہ لوگ زخمی ہوئے ہیں۔آج ہم اس کی بھی بات کر رہے ہیں کہ جس طرح سے خاتون کی موت ہوئی ہے ۔ جو لوگ اس حادثے میں زخمی ہوئے ہیں ان کے لیے ہمدردی دکھانے اور اس معاملے کی مزمت کرنے کے لئے آج ہم یہاں اکٹھا ہوئے ہیں۔

ان کا مزید کہنا تھا کہ ہماری مانگ یہ ہے کہ جس طریقے سے اس طرح کے معاملے بڑھ رہے ہیں وہ حکومت کی ناکامی ہے۔ مرکزی حکومت اور انٹیلیجنس ناکام رہی ہے۔