ہر بڑے شہروں کی طرح شہر احمد آباد میں کثیر تعداد میں فٹ پاتھ پر زندگی گزارنے والے بے شمار بچے رہتے ہیں۔
فٹ پاتھ پر رہنے والے ان بچوں کی تعلیم و ترقی کے لیے ٹریفک پولیس والوں نے ایک اہم پہل کی ہے۔
ٹریفک پولیس والوں کی اس پہل کا نام 'پولیس پاٹھشالہ' دیا گیا ہے۔
اس کے تحت 150 سے 200 بچوں کو تعلیم دی جا رہی ہے۔ یہ تمام بچے پولیس پاٹھ شالہ کے تین مراکز میں تعلیم حاصل کر رہے ہیں۔
ٹریفک پولیس کی جانب سے جہاں ان بچوں کی تعلیم کا انتظام کیا گیا ہے، وہیں ان بچوں کے دن کا کھانے کا بھی نظم کیا گیا ہے۔
شہر احمد آباد کے اے سی پی انکیت پٹیل نے کہا کہ فٹپاتھ پر رہنے والے بچے بڑی عمر کو پہنچنے کے بعد جرائم کی طرف رخ کرتے ہیں ، اس لیے انہیں تعلیم دی جا رہی ہے تاکہ ان کی مستقبل کی زندگی میں تبدیلی رونما ہوسکیں۔
انہوں نے مزید کہا کہ ان بچوں کو ابتدائی تعلیم دینے کے بعد اسکول میں داخل کرا دیا جائے گا۔
احمد آباد ٹریفک پولیس کی جانب سے چلائے جا رہے، اس پہل کی چہار جانب ستائش کی جا رہی ہے، مقامی لوگ بھی خوش نظر آ رہے ہیں۔
