احمد آباد : ماہ رمضان میں گھروں میں رہ کر ہی عبادت کریں

ماہ رمضان کا آغاز ہوچکا ہے۔ دنیا بھر میں کورونا وائرس کی مہلک بیماری کے پیش نظر ماہ رمضان کے دوران گھروں میں رہ کرعبادت و ریاضت کرنے کی اپیل کی جا رہی ہے۔ احمدآباد کے علماء اورسماجی کارکنان نے بھی لوگوں سے یہی اپیل کی ہے کہ گھر میں ہی رہ کر عبادات کی جائے۔

دعوت اسلامی سرخیز کے صدر غلام رسول نے احمدآباد کے لوگوں سے اپیل کرتے ہوے ہوے کہا کہ عالمی وبا کورونا وائرس کے اثرات سےپوری دنیا پریشان ہے ۔اس لئے ماہ رمضان کے دوران گھروں میں رہ کر عبادت کریں۔ کسی کام سے اگر باہر نکلنا پڑے تو ماسک پہن کرسماجی فاصلے کا خیال کر تے ہوے باہر نکلیں۔

انہوں نے مزیدکہا کہ رمضان المبارک کے دوران اپنے گھروں میں عبادت کریں ۔تلاوت میں مصروف رہیں۔ گھروں میں نمازتراویح ادا کریں۔ کتابوں کا مطالعہ کریں اور سرکاری کی جانب سے جاری کردہ گائیڈ لائن پر پوری طرح عمل کریں ۔پولیس کا تعاون کریں.


وہیں سماجی کارکن مفیص احمد انصاری نے اپیل کرتے ہوئے عالم اسلام کو ماہ رمضان کی مبارک باد پیش کی ۔انہوں نے مزید کہا کہ کورونا وائرس کا قہر جاری ہے۔ ایسےمیں مسلمانوں سے اپیل کی جاتی ہے کہ پنج وقتہ نمازکی ادائیگی اپنے گھروں میں رہ کر ادا کریں۔

گھروں میں نمازتراویح اداکریں ۔ اور دعا کریں کے اس مبارک مہینے کی فضیلت سے اللہ تعالی اس بیماری سے نجات دلائے اور ہمارے ملک میں دوبارہ خوشحالی نظر آے.