اس موقع پر موم بتی جلا کر خراج عقیدت پیش کرتے ہوئے مظاہرین نے کہا کہ 'ایک ماہ سے ہم سی اے اے اور این آر سی کے خلاف دھرنے پر بیٹھے ہوئے ہیں۔ اور وہی جنون و جذبے کے ساتھ یہاں مائیں بہنیں بیٹھی ہوئی ہیں اور اس قانون کو پوری طرح سے مسترد کر رہی ہیں۔'
اس موقع پر آل انڈیا کسان سبھا کے صدر ڈاکٹر اشوک دھاولے بھی اجیت میل دھرنے پر بیٹھی ہوئی خواتین کا حوصلہ بلند کرنے پہنچے۔
انہوں نے کہا کہ 'پلوامہ کے شہداء کو ہم سلام کرتے ہیں۔ انہیں خراج تحسین پیش کرتے ہیں ساتھ ہی ساتھ جو بھی خواتین سی اے اے اور این آر سی کو لے کر دھرنے پر بیٹھی ہیں ہم ان کے جذبےکو سلام کرتے ہیں۔ اور 23 مارچ کو اس قانون کے خلاف پورے ملک میں ہم بڑے پیمانے پر احتجاج کریں گے۔'
اجیت میل دھرنے میں کافی اتار چڑھاو اور پریشانیاں آنے کے باوجود گزشتہ ایک ماہ سے خواتین دھرنے پر بیٹھی ہوئی ہیں۔ دھرنے پر بیٹھی خواتین حکومت سے سی اے اے کو واپس لینے کا مطالبہ کر رہی ہیں۔