رام مندرکےسنگ بنیاد پر صوفی انور حسین کا ردعمل

آج رام مندر کا سنگ بنیاد رکھنے پر مسلم برادری کے لوگوں میں کہیں خوشی تو کہیں غم کا ماحول دیکھنے مل رہا ہے۔ ایسے میں بی جے پی اقلیتی سیل احمدآباد کے انچارج صوفی انور حسین شیخ نے کہا کہ آج ایک طویل عرصے سے جاری تنازعہ کا خاتمہ ہوا۔

گجرات کے شہر احمدآباد میں بی جے پی اقلیتی سیل کے شہری انچارج صوفی انور حسین نے کہا کہ 'رام مندر کی سنگ بنیاد کے موقع پر ہم قومی ایکتا و بھائی چارے کے ساتھ اس کا خیر مقدم کر رہے ہیں'۔

انہوں نے کہا کہ بابری مسجد کا جو فیصلہ آیا اسے ہم نے قبول کیا ہے۔ ہندوستان میں بھگوان رام امام ہند کی حیثیت رکھتے ہیں اور علامہ اقبال نے بھی اپنے شعر میں اس بات کا اظہار کیا ہے۔

ہے رام کے وجود پہ ہندوستان کو ناز

اہل نظر سمجھتے ہیں اس کو امام ہند

انور حسین نے یہ بھی کہا کہ ملک کے لوگوں کو متحد ہو کر اس مسئلے کو یہیں ختم کرنے کی ضرورت ہے۔ تبھی یہاں کے مسلمانوں کا مستقبل بہتر ہوسکتا ہے۔

انھوں نے مسلمانوں سے اپیل کرتے ہوئے کہا کہ آج اپنے اختلافات کو بالائے طاق رکھ کر رام جنم بھومی کی سنگ بنیاد کا خیر مقدم کریں۔