حیدر آباد سے رکن پارلیمنٹ اور آل انڈیا مجلس اتحاد المسلمین کے قومی صدر اسدالدین اویسی ان دنوں گجرات کے دورہ پر ہیں ۔اپنے دورہ کے دوران اسدالدین اویسی نے گجرات کے مشہور اولیاء ہند حضرت شاہ عالم سرکار درگاہ پر حاضری دی اور مزار پر چادر پیش کی۔ان کے ساتھ مہاراشٹر کے شہر اورنگ آباد سے رکن پارلیمان امتیاز جلیل سمیت پارٹی کے دیگر کارکنان بھی موجود تھے۔
شاہ عالم درگاہ کے خادم صوبہ خان پٹھان نے کہا کہ اسدالدین اویسی اپنے گجرات دورے کے دوران احمدآباد آئے تھے۔ اور انہوں نے حضرت شاہ عالم سرکار درگاہ پر حاضری دی ۔شاہ عالم سرکار کے مزار پر پھول اور چادر پیش کرنے کے علاوہ انہوں نے اپنی پارٹی کو مستحکم کرنے اور ملک سے عالمی وبا کورونا وائرس سے نجات پانے کے لئے دعائیں مانگیں۔
انہوں نے مزید کہا کہ جتنے لوگ اسد الدین اویسی کی آمد پر ان کے ہمراہ تھے اگر اتنے ہی افراد انتخابات میں ایم آئی ایم کے حق اگر ووٹ ڈالتے ہیں تو پھر اسدالدین اویسی کی پارٹی جیت سکتی ہے-