احمد آباد میں عآپ کے کارکنان نے جشن منایا

قومی دارالحکومت دہلی میں عام آدمی پارٹی کی شاندار کامیابی کے بعد ریاست گجرات کے شہر احمدآباد میں پارٹی کارکنان کے درمیان جشن کا ماحول ہے۔

دہلی انتخابات کے نتائج کا آج اعلان کیا گیا جس میں عام آدمی پارٹی نے ایک بار پھر دہلی کو جیت لیا اور الیکشن میں جیت حاصل کی جس کا جشن پورے ملک میں عآپ کارکنان مناتے نظر آرہے ہیں۔

اس موقع پر احمدآباد کے رکھیال علاقے میں موجود عآپ آفس کے باہر آتش بازی کر پارٹی کارکنان نے پارٹی کی جیت کا جشن منایا، ساتھ ہی ساتھ ایک دوسرے کو جیت کی مبارکباد پیش کی۔
اس موقع پر ای ٹی وی بھارت نمائندہ سے بات چیت کرتے ہوئے پارٹی کارکنان نے کہا کہ 'کیجریوال کی جیت عام آدمی کی جیت ہے۔ ہم انہیں ایک بار پھر دہلی کا دل جیتنے کے لیے مبارکباد پیش کرتے ہوئے۔'
اس موقع پر انہوں نے رکھیا ل علاقے سے نارول علاقے تک جیت کا جشن مناتے ہوئے بائک پر ریلی نکالی۔

انہوں نے کہا کہ 'اس الیکشن کا اثر پورے ملک میں پڑنے والا ہے اور خاص طور سے گجرات میں بھی ہوگا۔'

احمد آباد میں عام آدمی پارٹی کارکنان کے درمیان جشن کا ماحول

ان کا کہنا ہے کہ 'وہ گجرات میں آئندہ ہونے والے الیکشن میں ہر سیٹ پر امیدوار اتاریں گے اور بی جے پی کو مات دینے کی ہر ممکن کوشش کریں گے۔'

انہوں نے کہا کہ 'زور کا جھٹکا اب بی جے پی کو لگا ہے، شاہین باغ کے بجائے بی جے پی کو کرنٹ لگا ہے۔'