پولیس اہلکار، رشوت لیتے پکڑا گیا

احمد آباد رورل اینٹی کرپشن بیورو (اے سی بی) اور آنند لوکل کرائم برانچ آفس (ایل سی بی) نے شکایت کی بنیاد پر چھاپہ مارا اور ملزم کو رنگے ہاتھوں پکڑا۔

ریاست گجرات کے شہر احمدآباد کے ضلع آنند میں احمدآباد رورل اے سی بی اور ضلع ایل سی بی ٹیم نے مشترکہ آپریشن میں ایک پولیس اہلکار کو 50 لاکھ روپے رشوت لیتے ہوئے پکڑا۔

ذرائع کے مطابق ضلع کے کھمبھٹ پولیس تھانے میں تعینات پرکاش سنگھ راول نے اے سی بی آنند سے 50 لاکھ روپے رشوت لی، اطلاعات کے مطابق یہ کہا جارہا ہے کہ پرکاش کھبھٹ فرٹیلائز بدعنوانی کیس میں ملوث ہے۔

احمدآباد رورل اینٹی کرپشن بیورو (اے سی بی) اور آنند لوکل کرائم برانچ آفس (ایل سی بی) نے شکایت کی بنیاد پر چھاپہ مارا اور ملزم کو رنگے ہاتھوں پکڑا۔

اینٹی کرپشن بیورو نے ایک جال بچھایا اور ودیان نگر روڈ پر واقع ایک ریستوراں میں پرکاش سنگھ کو 50 لاکھ روپے رشوت لیتے ہوئے پکڑا۔

اے سی بی کی جانب سے کہا گیا ہے کہ پرکاش سنگھ راول پر ایک کیس درج کر کے تفتیش شروع کی جائے گی۔ وہیں اس معاملے کو گجرات پولیس نے سب سے کامیاب آپریشن قرار دیا ہے۔