گجرات میں کورونا مریضوں کی تعداد 45 ہزار تجاوز کر گئی

گجرات میں کورونا وائرس کے معاملہ ایک بار پھر تیزی سے بڑھتے جا رہے ہیں۔ عالم یہ ہے کہ گجرات میں کورونا مریضوں کی تعداد 46 ہزار کو تجاوز کر چکی ہے گزشتہ چار دنوں سے گجرات میں کورونا کے 900 سے زیادہ معاملہ ہر روز سامنے آرہے ہیں اور یہ سلسلہ آج بھی جاری رہا۔

گذشتہ 24 گھنٹوں میں گجرات میں کورونا وائرس کے 919 نئے معاملے سامنے آئے ہیں۔ اس کے ساتھ ہی گجرات میں مریضوں کی کل تعداد 45567 پر پہنچ گئی ہیں، جبکہ اس دوران گجرات میں کورونا کی وجہ سے 10 افراد کی موت ہوئی ہے۔

وہیں اچھی خبر یہ ہے کہ آج 828 مریضوں کو ہسپتال سے ڈسچارج کیا گیا ہے۔ اس کے ساتھ گجرات میں اب تک 32175 مریض ہسپتال سے چھٹی پا چکے ہیں، تو وہیں گجرات میں کورونا کی وجہ سے اب تک 2091 افراد ہلاک ہوئے ہیں۔

کورونا اپڈیٹ

درج کیے گیے نئے معاملوں میں سورت کے حالات زیادہ خراب نظر آ رہا ہے تازہ معاملوں میں سب سے زیادہ معاملے سورت کارپوریشن آ سے درج کیے گئے ہیں، جہاں 217 کورونا مریض پائے گئے ہیں۔

وہیں احمد آباد کارپوریشن میں 168 وڈودرا کارپوریشن کا میں 63، بھاونگر کارپوریشن میں 35، جونا گڑھ میں 32، بھروچ میں 29، راجکوٹ کارپوریشن میں 26، راجکوٹ گاؤں میں 25 اور گاندھی نگر میں 21 معاملے درج کیے گئے ہیں۔

وہیں گجرات میں گزشتہ 24 گھنٹوں میں 10 اموات ہوئی ہے۔ جن میں سے سورت اور احمدآباد میں 5-5 مریض ہلاک ہوئے ہیں۔

محکمہ صحت گجرات کے مطابق موجودہ وقت میں 11302 مریض، ایکٹیو حالت میں وہیں 74 مریض وینٹیلیٹر پر ہیں تو وہیں 11229 مریضوں کی حالت مستحکم ہے۔ تاہم 32174 لوگوں کو علاج کے بعد چھٹی دی جا چکی ہے اور گجرات میں اب تک کل 488170 لوگوں کا کورونا ٹیسٹ کرایا گیا ہے۔