وادی کشمیر کو خطہ لداخ سے جوڑنے والی 13 کلومیٹر طویل زوجیلا ٹنل پر جاری کام کا جائزہ لینے کے لیے National Highways and Infrastructure Development Corporation (NHIDCL) کے اعلیٰ عہدیداروں سمیت ضلع ترقیاتی کمشنر گاندربل نے جمعہ کو ٹنل کا دورہ کیا۔
’کشمیر کو لداخ سے جوڑنے والی زوجیلا ٹنل مقررہ وقت سے پہلے تیار ہوگی‘
ٹنل پر جاری کام کا جائزہ لینے کے بعد عہدیداروں نے ذرائع ابلاغ کے نمائدوں سے گفتگو کرتے ہوئے دعویٰ کیا کہ ٹنل کو مقررہ وقت سے پہلے ہی مکمل کر لیا جائے گا۔
قابل ذکر ہے کہ سرینگر - لیہہ شاہراہ شدید برفباری کے باعث کئی ماہ تک ٹریفک کی نقل و حمل کے لیے بند رہتی ہے۔ جس کے باعث خطہ لداخ کا زمینی رابطہ ملک کی دیگر ریاستوں /مرکزی زیر انتظام خطوں کے ساتھ منقطع رہتا ہے۔