گاندربل:جموں و کشمیر کے ضلع گاندربل کے خلہ ملہ علاقے میں نوجوانوں نے سرپنچ کے ساتھ مل کر بھنگ کو تباہ کیا۔ Cannabis Destroyed in Ganderbal۔ گاندربل میں اگرچہ پولیس اور محکمہ ایکسائز نے کئی جگہوں پر بھنگ کو تباہ کرکے علاقے کے لوگوں خاص کر نوجوانوں کو راحت دلانے میں اہم رول ادا کیا ہے۔ وہیں خلہ ملہ علاقے کے سرپنچ نے مقامی نوجوانوں کے ساتھ مل کر اپنے علاقے میں پیدا ہوئی بھنگ کو ختم کرنے کا کام شروع کیا ہے اور اس کے لیے کئی کٹر کام پر لگائے گئے ہیں۔ یہ کارروائی علاقے کے سرپنچ کی ہدایت پر نوجوانوں نے شروع کی ہے۔ sarpanch destroyed hemp in ganderbal
واضح رہے کہ پولیس اور محکمہ ایکسائز کی ٹیم نے اسے پہلے بھی کئی علاقوں میں بھنگ کو تباہ کیا ہے۔ علاقہ کے عام لوگوں نے سرپنچ کے اس کارروائی کو سراہا ہے ۔ علاقے کے سرپنچ نے کمیونٹی کے ممبران سے گزارش ہے کہ وہ اپنے پڑوس میں ممنوعہ اشیاء کی کاشت کے حوالے سے کسی بھی معلومات کے ساتھ آگے آئیں۔ انہوں نے کہا کہ منشیات کی فروخت اور ممنوعہ اشیاء کی کاشت میں ملوث پائے جانے والے کے خلاف قانون کے مطابق کارروائی کی جائے گی، تاکہ نوجوان نسل کو تباہ ہونے سے بروقت بچایا جا سکے۔
متعلقہ سرپنچ ارشاد احمد نے کہا کہ 'میں گاندربل کے تمام لوگوں سے گزارش کرتا ہوں کہ اگر واقعی ہمیں اپنی نوجوان نسل کو بچانا ہے تو ہمیں چاہیے صویرے اٹھ کر ہاتھ میں چھڈی لے کر اپنے گھر یا گلی کوچوں میں موجود اس بھنگ کو صاف کرنا چاہیے، تاکہ ہمیں اسے آزادی ملے اور ہمارے لئے سب سے بڑی آزادی یہی ہوگی۔