گاندربل: ضلع ہسپتال کووڈ مریضوں کے لیے مختص

گاندربل کے سی ایم او کے مطابق انہوں نے کورونا سے نمٹنے کے لیے تمام تیاریاں کی ہیں، ضلع ہسپتال میں آکسیجن پلانٹ لگایا جا رہا ہے۔

ضلع گاندربل میں قائم ڈسٹرک ہسپتال کو کووڈ مریضوں کے لئے مختص رکھا گیا ہے۔ اس کے ساتھ یہاں آکسیجن کی قلت کو کم کرنے کے لیے آکسیجن پلانٹ لگایا جا رہا ہے۔ ہسپتال میں دیگر امراض میں مبتلا مریضوں کے علاج و معالجہ کے لئے او پی ڈی کو وائل منتقل کیا گیا۔

ان تمام باتوں کا خلاصہ آج سی ایم او گاندربل ڈاکٹر معراج الدین نے کیا۔ انہوں نے کہا کہ 'کورونا وائرس کی دوسری لہر کے چلتے ہم نے تمام تر تیاریاں مکمل کی ہیں تاکہ ضلع میں اس بیماری میں مبتلا مریضوں کا علاج و معالجہ کیا جا سکے'۔

انہوں نے مذید کہا کہ آکسیجن کی قلت کو کم کرنے کے لیے انہوں نے پلانٹ میں دن رات کام جاری رکھنے کے احکامات جاری کیے۔ اس پر زور شور سے کام جاری ہے۔ انہوں نے کہا کہ اس پلانٹ کے چالوں ہونے سے آکسیجن کی ساری قلت دور ہو جائے گی۔

یہ آکسیجن پلانٹ 24 گھنٹوں میں 100 بستر والے بیڈوں کو آکسیجن فراہم کرے گا۔