گاندربل: کافی مشقت کے بعد ریچھ کو قابو میں آیا

جموں و کشمیر کے گاندربل میں واقع منی گام علاقہ میں گذشتہ چند روز سے ایک ریچھ نے دہشت مچا کر لوگوں کا جینا حرام کر دیا تھا۔ جبکہ شام ہوتے ہی لوگ گھروں میں سہم کر رہ جاتے تھے۔

اطلاع کے مطابق ریچھ نے مقامی میوہ باغات کو بھی نقصان پہنچایا تھا۔ چونکہ مقامی لوگوں کی طرف سے اطلاع ملنے پر محکمہ وائلڈ لائف کی ٹیم نے علاقے میں اس کو پکڑنے کے لیے جھال بچھا کر اسے قابو کرنے میں کامیابی حاصل کر لی ہے، جس کے بعد لوگوں نے راحت کی سانس لی۔

واضح رہے کہ وادی کشمیر میں پچھلے چند ماہ سے ریچھ اور تیندوے کے حملے میں درجنوں لوگ زخمی ہوئے ہیں،جبکہ دو معصوم بھی اپنی زندگی سے ہاتھ دھو بیٹھے ہیں۔ جو کہ ایک بڈگام ضلع سے اور دوسری گاندربل سے تعلق رکھتے تھے۔