کنگن میں بابا بدر الدینؒ کے عرس پر تقریب کا انعقاد

ضلع گاندربل کے کنگن علاقے میں حضرت بابا بدر الدینؒ کے عرس پر درود و اذکار اور ختمات المعظمات کی محفلیں آراستہ کی گئیں۔

وسطی کشمیر کے ضلع گاندرربل کے کنگن علاقے میں صوفی بزرگ حضرت بابا بدر الدینؒ کا عرس عقیدت و احترام سے منایا گیا۔

عرس کے موقع پر لوگوں کی کثیر تعداد نے شرکت کی وہیں، اس موقع پر درود و اذکار اور ختمات المعظمات کی محافل آراستہ کی گئیں۔

اس موقع پر مذہبی شخصیات نے اسلامی تعلیمات اور صوفی ولی حضرت بابا بدر الدینؒ کی سوانح حیات و روحانی کمالات پر مفصل روشنی ڈالی۔

اختتامی تقریب کے موقع پر خصوصی دعائیہ مجلس کا بھی اہتمام کیا گیا۔

قابل ذکر ہے کہ سردی اور بارش کے باوجود لوگوں کی خاصی تعداد نے عرس میں شرکت کر کے اپنی عقیدت کا اظہار کیا۔

عرس کے موقع پر وادی کشمیر میں امن و شانتی اور عالمی وبا سے حفاظت کی خاطر اجتماعی دعائیہ مجلس کا بھی اہتمام کیا گیا۔