گاندر بل: انو راگ ٹھاکر نے زیڈ پی ای او اور پلے فیلڈ کا سنگ بنیاد رکھا

مرکزی وزیر اطلاعات و نشریات انوراگ سنگھ ٹھاکر نے آج گاندربل کے کنگن تحصیل میں زیڈ پی ای او دفتر اور زونل پلے فیلڈ کا سنگ بنیاد رکھا اور کج پورہ کنگن میں پی ایم جی ایس وائی سڑک کا افتتاح کیا۔

مرکزی وزیر انوراگ ٹھاکر نے کج پورہ کنگن کا دورہ کیا، جہاں انہوں نے زونل فزیکل ایجوکیشن آفس (زیڈ پی ای او) اور 1.14 کروڑ روپے کی لاگت سے منظور شدہ زونل لیول پلے فیلڈ کا سنگ بنیاد رکھا۔

اجتماع سے خطاب کرتے ہوئے وزیر نے کہا کہ جموں و کشمیر میں قابلیت کی کوئی کمی نہیں ہے لیکن ضرورت اس بات کی ہے کہ اس صلاحیت کو آگے بڑھایا جائے۔ انہوں نے مزید کہا کہ جموں و کشمیر کے نوجوانوں کو مزید سہولیات فراہم کرنے کی ضرورت ہے اور مرکزی حکومت تمام سہولیات کو یقینی بنائے گی تاکہ اس بات کو یقینی بنایا جاسکے کہ علاقے میں ٹیلنٹ پھلے پھولے۔

انہوں نے کہا کہ مرکزی حکومت موجودہ کھیلوں کے بنیادی ڈھانچے اور یو ٹی کے لیے سہولیات کو مزید مضبوط بنانے کے لیے پرعزم ہے تاکہ زیادہ سے زیادہ نوجوان کھیلوں میں شامل ہوں اور مختلف سطحوں پر جموں و کشمیر کی نمائندگی کریں۔ انہوں نے کہا کہ ایسا کرنے کے لیے مرکزی حکومت نے پی ایم ڈویلپمنٹ پلان کے تحت پلے فیلڈز اور انڈور اسٹیڈیم کی ترقی کے لیے 200 کروڑ روپے مختص کیے ہیں۔ انہوں نے مزید کہا کہ جموں و کشمیر میں ہاکی اور فٹبال گراؤنڈز کی تیاری کے لیے مزید 33 کروڑ روپے منظور کیے گئے ہیں۔ انہوں نے لوگوں پر زور دیا کہ وہ یکم اکتوبر 2021 سے شروع ہونے والے ملک بھر کے "کلین انڈیا مشن" میں شامل ہو جائے۔

وزیر کا استقبال کرتے ہوئے لیفٹیننٹ گورنر کے مشیر فاروق احمد خان نے مرکزی حکومت کی اس میگا آؤٹ ریچ پروگرام کو جموں و کشمیر میں منعقد کرنے کی کوششوں کو سراہا۔ انہوں نے امید ظاہر کی کہ مرکزی وزیر کا یہ دورہ خطے کی کھیلوں کی سرگرمیوں کو تقویت دے گا۔

اس موقع پر ڈپٹی کمشنر گاندربل کرتیکا جیوتسنا، ڈائریکٹر یوتھ سروسز اینڈ سپورٹس، ایس ایس پی گاندربل اور محکمہ کے دیگر حکام بھی موجود تھے۔

بعد ازاں وزیر نے کج پورہ کنگن میں منعقدہ ایک رنگا رنگ تقریب کے دوران طلباء میں سرٹیفکیٹ، یادگار اور کھیلوں کی کٹس تقسیم کیں۔ اس موقع پر وزیر نے ثقافتی پروگرام اور مارشل آرٹس، ٹگ آف وار، کبڈی اور والی بال میں کھیلوں کے مختلف مقابلوں کا ڈیمو بھی دیکھا۔

وزیر نے طلباء کے ساتھ بات چیت بھی کی اور ان پر زور دیا کہ وہ کھیلوں کی سرگرمیوں میں بڑھ چڑھ کر حصہ لیں اور ان سے کہا کہ وہ قومی اور بین الاقوامی مقابلوں میں اپنی صلاحیتوں کو ثابت کرتے ہوئے جموں و کشمیر کا نام روشن کریں۔ وزیر نے کنگن کا بھی دورہ کیا جہاں انہوں نے بونی باغ کنگن میں 136.67 لاکھ روپے کی لاگت سے تعمیر ہونے والی 1.5 کلومیٹر پی ایم جی ایس وائی PMGSY سڑک کا افتتاح کیا جو بونی باغ بالا میں رہائش پزیر لوگوں کو ہائی وے سے جوڑتا ہے۔

سڑک کو گاؤں کے لوگوں کے لیے وقف کرتے ہوئے، وزیر نے متعلقہ سرپنچ، بی ڈی سی اور ڈی ڈی سی ممبر کو مبارکباد دی جو اس موقع پر موجود تھے۔ اس دوران انہوں نے بونی باغ کے مقامی لوگوں سے بھی بات چیت کی اور علاقے میں ترقیاتی ضروریات کے بارے میں دریافت کیا۔

مقامی لوگوں نے وزیر کا علاقہ کا دورہ کرنے اور مذکورہ سڑک کا افتتاح کرنے پر ان کی تائید کی جو کہ مقامی لوگوں کی دیرینہ مانگ تھی۔