گاندربل: کنگن میں پاور کنال سے نامعلوم خاتون کی لاش برآمد

کچھ مقامی افراد نے لاش کو نہر میں تیرتے ہوئے دیکھا اور اس کے بعد پولیس کو اطلاع دی گئی۔ پولیس کی ایک ٹیم نے موقع پر پہنچ کر لاش کو نہر سے باہر نکالا۔

وسطی کشمیر کے ضلع گاندربل کے کنگن علاقے میں پاور کنال سے ایک نامعلوم خاتون کی لاش ملی ہے۔

ایک پولیس آفیسر نے بتایا 'کچھ مقامی افراد نے لاش کو نہر میں تیرتے ہوئے دیکھا اور اس کے بعد پولیس کو اطلاع دی، اطلاع ملنے پر پولیس کی ایک ٹیم موقع پر پہنچی اور لاش کو نہر سے نکالا گیا'۔

پولیس نے بتایا کہ ابھی تک لاش کی شناخت نہیں ہوئی ہے۔ فی الحال لاش کو کنگن اسپتال کے مردہ خانے میں رکھا گیا ہے۔ اس سلسلے میں کیس درج کیا گیا ہے اور مزید تفتیش جاری ہے۔