Houses Gutted in Kangan کنگن میں بھیانک آتشزدگی، تین مکان خاکستر

ضلع گاندربل کے یا چھہامہ، کنگن میں آتشزدگی کے دوران تین رہائشی مکانات کو شدید نقصان پہنچا، آتشزدگی میں کسی جانی نقصان کی کوئی اطلاع نہیں۔ Three Residential Houses Gutted in Kangan

گاندربل:وسطی کشمیر کے ضلع گاندربل کے یا چھہامہ، کنگن میں منگل کی صبح بھیانک آتشزدگی میں تین رہائشی مکان خاکستر ہو گئے۔ ایک پولیس اہلکار نے بتایا کہ منگل کی صبح اچانک ایک رہائشی مکان سے آگ کے شعلے بلند ہوئے جس نے آنا فانا دو دیگر مکانات کو اپنی زد میں لے لیا۔ مقامی باشندوں نے فوری طور فائر اینڈ ایمرجنسی عملہ کو مطلع کیا جنہوں نے آگ بجھانے کا عمل فوری طور شروع کر دیا۔Three Residential Houses Gutted in Ganderbal

فائر اینڈ ایمرجنسی عملہ نے آگ کو مزید پھیلنے سے روک دیا تاہم اس دوران تین رہائشی مکان اور ان میں موجود املاک راکھ کے ڈھیر میں تبدیل ہو گئے۔ آتشزدگی کے دوران کسی جانی نقصان کی کوئی اطلاع نہیں۔ پولیس نے معاملہ کی نسبت کیس درج کرکے مزید تفتیش شروع کر دی ہے۔ Kangan Fire Incident