سخت سکیورٹی کے درمیان امرناتھ یاتریوں کا تیسرا جتھا جموں سے روانہ گاندربل: جموں و کشمیر میں سالانہ امرناتھ یاترا شروع ہوگئی ہے۔ اتوار کو 4903 یاتریوں کا تیسرا جتھا جموں کے بھگوتی نگر یاتری نواس سے 235 گاڑیوں میں امرناتھ یاترا کے لیے روانہ ہوا۔ سرکاری ذرائع نے بتایا کہ 2،346 یاتری بالتل بیس کیمپ کے لیے روانہ ہوئے جبکہ 2،557 ننوان کیمپ کے لیے روانہ ہوئے۔ انہوں نے کہا کہ دونوں جتھوں کو ملٹی گرڈ سیکورٹی کور کے درمیان روانہ کیا گیا۔
حکام نے بتایا کہ اس کے ساتھ ہی جموں کے بیس کیمپ سے امرناتھ گُھپا کے لیے روانہ ہونے والے یاتریوں کی تعداد بڑھ کر 12،807 ہو گئی ہے۔ اس دوران جموں و کشمیر ٹریفک پولیس نے یاتریوں اور سیاحوں کے لیے ایک ایڈوائزری جاری کی۔ ایڈوائزری میں کہا گیا ہے کہ کسی بھی یاترا یا سیاحتی گاڑی کو دوپہر 2 بجے کے بعد بانہال – قاضی کنڈ (نیویگ) ٹنل سے کشمیر کی طرف جانے کی اجازت نہیں ہوگی۔
ایڈوائزری کے مطابق پہلگام سے کسی بھی یاترا یا سیاحتی گاڑی کو سہ پہر 3 بجے کے بعد جموں کی طرف جانے کی اجازت نہیں ہوگی۔ سونمرگ سے سرینگر تک دوپہر 3 بجے کے بعد کسی یاترا یا سیاحتی گاڑی کو جانے کی اجازت نہیں ہوگی اور شام 5 بجے کے بعد گلمرگ سے سرینگر تک کسی یاترا یا سیاحتی گاڑی کی اجازت نہیں ہوگی۔ ایڈوائزری میں مزید کہا گیا ہے کہ یاتریوں اور سیاحوں کو مشورہ دیا جاتا ہے کہ وہ وادی کشمیر میں صبح 7 بجے سے شام 6 بجے تک سفر کریں اور اس کے مطابق منصوبہ بندی کریں تاکہ وہ مقررہ وقت کے اندر اپنی منزل تک پہنچ جائیں۔
یہ بھی پڑھیں: Amarnath Yatra 2023 سخت سکیورٹی کے درمیان امرناتھ یاتریوں کا پہلا جتھا پہلگام پہنچ گیا
سرینگر جانے والی یاترا اور امرناتھ یاتریوں کے روزانہ کے قافلوں کے علاوہ سیاحوں کی گاڑیوں کے لیے کٹ آف کے اوقات جموں سے صبح 11 بجے، جکھینی، ادھم پور سے دوپہر، چندر کوٹ اور رامبن سے دوپہر ایک بجے اور لمبر، بانہال سے دوپہر 2 بجے مقرر کیے گئے ہیں۔ ایڈوائزری میں کہا کہ ہر روز شام 6 بجے آر او پی واپس لینے کے بعد یاتریوں اور سیاحوں کی نقل و حرکت پر پابندی ہوگی۔
