کانسٹیبل الطاف حسین کی یاد میں ٹی - 20 پریمیئر کرکٹ لیگ کا اہتمام

کانسٹیبل الطاف حسین کی یاد میں ڈسٹرکٹ پولیس گاندربل کی جانب سے جاری ٹی-20 پریمیئر کرکٹ لیگ کمریہ گراؤنڈ میں کھیلا گیا۔

مرکز کے زیر انتظام جموں و کشمیر میں کانسٹیبل الطاف حسین کی یاد میں ڈسٹرکٹ پولیس گاندربل کی جانب سے جاری ٹی 20 پریمیئر کرکٹ لیگ گاندربل کا آج فائنل میچ ویلی اسٹار کرکٹ کلب اور ڈسٹرکٹ کرکٹ ایسوسیشن کے درمیان کھیلا گیا۔

جس میں ویلی اسٹار کرکٹ کلب نے ٹاس جیت کر پہلے بلے بازی کا فیصلہ کیا، ڈسٹرکٹ کرکٹ ایسوسی ایشن نے پہلے کھیلتے ہوئے 20 اوور میں 122 رن بنائے، حدف کے تقاقب میں کھیلتے ہوئے ویلی اسٹار کے بلے باز محض 83 رنوں پر تاش کے پتوں کی طرح بکھر گئے۔

ڈسٹرکٹ کرکٹ ایسوسی ایشن کے گیند باز صائم مصطفیٰ نے 4 اوور میں 14 رن دیکر 6 کھلاڑیوں کو پویلین کی راہ دکھائی، اس طرح ڈسٹرکٹ کرکٹ ایسوسی ایشن نے پولیس پریمیئرلیگ کا خطاب اپنے نام کر کے ٹرافی اور 50 ہزار نقد رقم حاصل کیں، جبکہ صائم مصطفیٰ کو میچ کا بہترین کھلاڑی قرار دیا گیا۔

ہارنے والی ٹیم ویلی اسٹار کو نقد 30 ہزار روپے دیئے گئے، دن بھر چلنے والے اس ٹورنامنٹ میں کانسٹیبل الطاف حسین کی والدہ، اہلیہ، ان کے بچہ اور بھائی موجود رہے، اس موقع پر کانسٹیبل الطاف حسین کی یاد میں ایک منٹ کا مون رکھا گیا۔