گاندربل:سرینگر لیہہ شاہراہ پر دو روز بعد ٹریفک کی آمدورفت بحال ہوگئی ہے۔ حکام نے سوموار کو ہوئی برفباری کی وجہ سے سرینگر لیہہ شاہراہ کو عارضی طور پر آمدورفت کے لیے بند کردیا گیا تھا جس کے نتیجے میں سونہ مرگ اور منی مرگ میں سینکڑوں گاڑیاں درماندہ ہوگئیں تھیں۔
سرینگر لیہہ شاہراہ ٹریفک کیلئے بحال
سرکاری ذرائع نے بتایا کہ گزشتہ روز موسم میں بہتری آنے کے ساتھ ہی زوجیلا کے دونوں طرف سے بیکن نے برف ہٹانے کا کام مکمل کیا جس کے بعد آج منی مرگ سے سونہ مرگ کی طرف درماندہ گاڑیوں کو چلنے کی اجازت دی گئی ہے۔