سرینگر کرگل شاہراہ مخصوص گاڑیوں کیلئے بحال

مسلسل چار ماہ تک بند رہنے کے بعد سرینگر کرگل شاہراہ کو جزوی طور ٹریفک کے لیے بحال کیا گیا۔

نمائندے کے مطابق ایس ایس پی گاندربل اور دیگر اعلیٰ افسران نے سنیچر کو سونہ مرگ میں 18 تیل سے لدے ٹینکروں کو کرگل کی طرف روانہ کیا۔

برف جمع رہنے اور پھسلن کی وجہ سے قریب چار ماہ تک بند رہنے والی 434 کلو میٹر طویل سرینگر - لیہہ شاہراہ کو ہر سال دسمبر کے مہینے میں آمد رفت کے لئے بند کیا جاتا ہے۔ تاہم امسال شاہراہ کو مارچ کے مہینے میں ہی آمد و رفت کے لئے بحال کیا گیا تھا تاہم کووِڈ19 کی وجہ سے شاہراہ کو کھولنے کا فیصلہ انتظامیہ نے وبا کے مزید پھیلاؤ کے خدشات کے پیش نظر واپس لے لیا۔

خیال رہے کہ ہر سال شاہراہ کے دوبارہ کھلنے کے سلسلے میں زوجیلا پاس کے مقام پر ایک تقریب منعقد ہوتی تھی جس میں پولیس، فوج، بیکن اور انتظامیہ کے سینئر عہدیداران شرکت کرتے تھے تاہم اس سال عالمی وبا کورونا وائرس کے خدشات کو دیکھتے ہوئے تقریب کو منسوخ کیا گیا۔