Stray Dog Attack In Ganderbal آوارہ کتوں کے کاٹنے سے کنگن میں سات افراد زخمی

گاندربل ضلع کے کلن کنگن علاقے میں جمعہ کے روز آوارہ کتوں کے حملے میں سات افراد زخمی ہوئے ہے۔ زخمیوں کو علاج و معالجہ کے لیے ہسپتال میں داخل کیا گیا۔

گاندربل:وسطی کشمیر کے گاندربل ضلع کے کلن کنگن علاقے میں جمعہ کو آوارہ کتوں کے حملے میں سات افراد شدید زخمی ہوگئے۔زخمیوں کو علاج و معالجہ کے لیے ہسپتال میں داخل کیا گیا۔

تفصیلات کے مطابق کیلن کنگن علاقے میں آوارہ کتوں کے ایک ٹولی نے مقامی لوگوں پر حملہ کر دیا۔ اس دروان کتوں کے حملوں میں سات افراد زخمی ہو گئے۔ زخمیوں کو قریبی پرائمری ہیلتھ سنٹر لے جایا گیا جہاں ان کی مرہم پڑی کی گئی ۔وہیں زخمیوں میں ایک خاتون سمیت تین افراد کو مزید علاج کے لیے سب ڈسٹرکٹ ہسپتال کنگن منتقل کر دیا گیا۔زخمیوں کی شناخت 65 سالہ آمنہ بیگم ، 40 سالہ ظہور احمد 70 سالہ مبینہ بیگم 60 سالہ مریم 65 سالہ عبدالعزیز ، 70 سالہ غلام علی اور اختر حسین کے طور پر ہوئی ہے۔

وہیں علاقہ کے لوگوں نے اس واقعہ کے بعد انتظامیہ کے خلاف سخت برہمی کا اظہار کرتے ہوئے کہا کہ آوارہ کتوں کو پکڑنے کی ذمہ داری میونسپل کمیٹی کی ہے لیکن وہ اس میں ناکام ہوئے اور لوگ ان کتوں کا نوالہ بنتے ہیں۔بتادیں کہ کچھ روز قبل آوارہ کتوں کے حملے میں لولوب میں سات افراد زخمی ہوئے تھے۔ واضح رہے کہ جموں و کشمیر میں سال 2022 کے دوران آوارہ کتوں کے حملوں میں 17 ہزار سے زائد افراد زخمی ہوئے ہیں۔ ان حملوں میں صوبہ جموں میں تقریباً 10 ہزار اور کشمیر صوبہ میں 7 ہزار سے زیادہ افراد شامل ہیں۔