گاندربل:سرینگر کے ساتھ ساتھ گاندربل میں بھی قربانی کے جانوروں کی خریداری کے لیے لوگ کئی مقامات پر خرید وفروخت کی جارہی ہے۔ اس دوران بھیڑ بکریاں پالنے والے کئی کاروباریوں نے بتایا کہ وہ اس عید پر قربانی کے جانوروں کی اچھی فروخت کی توقع کر رہے ہیں، تاہم انہوں نے حکومت کی جانب سے اعلان کردہ قیمتوں پر اطمینان کا اظہار کیا۔ کاروباریوں نے کہا کہ قربانی کے جانور کو پالنے میں ہمیں ایک سال لگتا ہے۔ ہم ان کی پرورش کے لیے جو کوششیں کرتے ہیں، اس کے لیے ہمیں اچھی قیمت کی توقع رہتی ہے۔
اس سال ہمارے پاس بھیڑ اور بکریاں بڑی تعداد میں ہیں اور اب تک ہم نے اپنے کچھ بھیڑ بکریاں فروخت کر چکے ہے اور مزید فروخت ہونے کی توقع کر رہے ہیں ،تاہم انہوں نے کہا کہ اس سال اگرچہ لوگ خرید وفروخت کی غرض سے ہمارے پاس آتے ہیں، لیکن کچھ لوگ قیمت پوچھ کر چلے جاتے ہیں، حالانکہ دیکھا جائے تو جموں و کشمیر کی حکومت نے گزشتہ ہفتے وادی کشمیر میں قربانی کے مویشیوں کے نرخ مقرر کیے تھے۔
ایک حکم نامے کے مطابق ڈائریکٹر فوڈ سول سپلائیز اینڈ کنزیومر افیئر ڈیپارٹمنٹ نے وادی میں قربانی کے مویشیوں کی قیمتوں پر نظرثانی کی اور قیمتوں میں تبدیلی لائی حکم نامے کے مطابق دہلی والا اور میرینو کراس قسم کی بھیڑوں کی قیمت 310 روپے فی کلو، بکروال اور کشمیری اقسام کی 295 روپے فی کلوگرام اور بکریوں کے لیے 285 روپے فی کلوگرام مقرر کی گئی ہے۔ تاہم کئی جگہوں پر اس کی خلاف ورزی بھی ہوتی ہے۔