Residents Aghast against ongoing Soil Mining: گاندربل میں مٹی نکالنے پر مقامی لوگوں میں ناراضگی

گاندربل کے پوتر مولہ علاقے کے مقامی لوگوں کا کہنا ہے کہ اگرعدالت عالیہ نے مٹی پہاڑوں سے اٹھانے یا دیگر اراضی سے اٹھانے پر بندش لگا دی ہے، تو یہاں پھر کن وجوہات کی بنا پر قانون کی خلاف ورزی کی جارہی ہیں۔ Soil Mining in Patar-Mulla Area of Ganderbal

گاندربل:گاندربل کے پوتر مولہ کے لوگوں نے اس علاقے میں مٹی اٹھانے پر اعتراض کرتے ہوئے کہا کہ اگر ایک طرف حکومت پہاڑوں یا دیگر اراضی سے مٹی اٹھانے پر منع کرتی ہیں، تو پھر اس علاقے کی خوبصورتی کو کیوں بگاڑا جارہا ہے۔ لوگوں کا کہنا ہے کہ اگر عدالت عالیہ نے بھی مٹی پہاڑوں سے اٹھانے یا دیگر اراضی سے اٹھانے پر بندش لگا دی ہے تو پھر کن وجوہات کی بنا پر قانون کی خلاف ورزی کی جارہی ہیں۔ مقامی لوگوں نے ان افراد کے خلاف کارروائی کا مطالبہ کیا ہے، جو لوگ اس خوبصورتی کو بگاڑرہے ہیں۔

انہوں نے مطالبہ کیا ہے اگر کسی سرکاری محکمہ کی جانب سے مٹی اٹھانے کےلئے کوئی اجازت دی گئی ہے ،تو اس صورت میں ہمیں جانکاری دی جائے کہ کس خسرہ نمبر اور کس علاقے کی زمین سے اور کتنی تعداد میں مٹی اٹھانے کی اجازت ہے۔ انہوں کہا ہے کہ ہمارے علاقے کی خوبصورتی اور پہاڑوں کی شکلیں تباہ کی جارہی ہیں۔جسکی وجہ سے علاقے کے لوگوں میں تشویش کی لہر دوڑ گئی ہے۔

اس سلسلے میں محکمہ جیالجی اینڈ مائننگ کے ضلع آفیسر نے اس بات کو صاف کر دیا ہے کہ بے شک عدالت عالیہ کی طرف سے اس معاملے کو لے کر پابندی عائد کردی گئی ہے، لیکن حکم نامے میں صاف کر دیا گیا ہے ،کہ اگر کہیں پر کوئی سرکاری تعمیراتی کام ہو تو اس صورت میں اجازت نامہ دیا جا سکتا ہے۔ مذکورہ آفیسر نے کہا ہے کہ ہم نے اجازت نامے میں باضابطہ طور پر زمین کی نشاندہی کے علاوہ جے سے بی مشین اور گاڑیوں کے نمبر بھی دیۓ ہیں، ان لوگوں کو گھبرانے کی کوئی ضرورت نہیں ہے۔انہوں نے کہا ہے کہ سب کچھ صاف شفاف طریقے سے کیا جارہا ہے۔انہوں نے مزید کہا کہ اگر کوئی اجازت نامے کے علاوہ مٹی لے کر جارہا ہے تو اسکے خلاف قانونی کارروائی کی جائے گی۔