گاندربل میں ضلع ترقیاتی کمشنر نے یوم جمہوریہ تقریب کے پیش نظر انتظامات کے جائزہ کے لیے ایک میٹنگ کی جس میں تیاریوں کا جائزہ لیا گیا۔ اس موقع پر ڈی ڈی سی شفقت اقبال نے بتایا کہ مرکزی تقریب کالج آف فزیکل ایجوکیشن گراؤنڈ گاڈورہ میں ہوگی جہاں مہمان خصوصی قومی پرچم لہرائیں گے اور مارچ پاسٹ کی سلامی لیں گے۔
مارچ پاسٹ میں ڈسٹرکٹ پولیس، سی آر پی ایف، آرمڈ پولیس، این سی سی ، پی ٹی ایس مانیگام اور مختلف تعلیمی اداروں کے طلباء کے دستوں کے ذریعہ پیش کیا جائے گا۔ تقریب کے دوران طلباء کے ذریعہ تمدنی اور ثقافتی پروگرام بھی پیش کیے جائیں گے۔
اس میٹنگ میں قومی تقریب کے لئے پنڈال میں جگہ جگہ رکھے جانے والے انتظامات ، جس میں مرکزی مقام کی تیاری اور استحکام ، پوڈیم ، سیکیورٹی ، بیٹھنے ، نقل و حمل، پارکنگ، بجلی، ریفریشمنٹ، میڈی کیئر، ایمبولینس کی دستیابی سمیت مختلف موضوعات پر تبادلہ خیال کیا گیا۔ فائر ٹینڈرز کی تعیناتی اور صفائی ستھرائی کے اقدامات کی بھی بات کی گئی۔