جموں و کشمیر کے ضلع گاندربل کے شوہامہ علاقے میں ضلع ترقیاتی کونسل کی چیئرپرسن نزہت اشفاق نے پبلک آوٹ ریچ پروگرام Public Darbaar Organized at Ganderbal کی صدارت کی۔ اس علاقے کے مقامی لوگوں نے مذکورہ پروگرام میں شرکت کی اور انہوں نے درپیش مختلف ترقیاتی ضروریات اور مسائل کے بارے میں چیئر پرسن کو آگاہ کیا۔
اس پبلک ریچ پروگرام میں ہدورا، بکورا، بسربگ، الاسٹیک، شوہامہ کے سرپنچوں، پنچوں اور مقامی لوگوں نے فائر سروس، پانی، بجلی، کھیلوں کے میدان اور مختلف مسائل کو اٹھایا۔
نزہت اشفاق نے پی آر آئیز اور مقامی نمائندوں کی طرف سے پیش کئے گئے تمام مسائل اور مطالبات کو سنا اور کہا کہ عوامی رابطے کا مقصد عوام کی دہلیز تک پہنچ کر ان کی شکایت اور مسائل کو سننا ہے۔ اس بات کو یقینی بنانا ہے کہ ان کے مسائل جلد از جلد حل ہو۔ پبلک آؤٹ ریچ پروگرام کے دوران اٹھائے گئے مسائل کو حل کرنے کے لیے افسران کو موقع پر ہی ہدایات دی گئی ہے۔اس کے علاوہ ہم نے موقع پر لوگوں کے کچھ مسائل حل بھی کیے ہیں۔
انہوں نے مقامی لوگوں کو یقین دلایا ہے کہ ان کے مسائل کو حل کرنے کے لیے متعلقہ محکموں سے بات کی جائے گی۔اے ڈی ڈی سی گاندربل پیر مظفر نے مقامی لوگوں کو یقین دلایا کہ ان کے مسائل جلد حل ہوجائیں گے۔
پروگرام میں اے ڈی ڈی سی گاندربل، سی پی او، اے سی ار، اے سی پی، گاندربل ایگزیکٹو انجینئر آراینڈبی، اے آر ٹی آو اور دیگر ضلعی افسران نے شرکت کی
