وسطی کشمیر کے ضلع گاندربل میں انتظامیہ کی جانب سے کہا گیا ہے کہ جن راشن کارڈ ہولڈرس کا بایو میٹرک انداراج ہوا ہے، صرف انہیں ہی راشن دیا جائے گا۔
انتظامیہ کی طرف سے یہ بھی کہا گیا ہے کہ جن کا بایو میٹرک اندراج نہیں ہوا ہے، وہ پہلے اندارج کرائیں پھر راشن ملے گا۔
انتظامیہ کے اس قدم پر سرپنج ایسوسی ایشن کے صدر نذیر احمد رینا نے اعتراض جتاتے ہوئے کہا کہ اگر راشن کارڈ ہولڈرس بایو مٹرک اندراج کے لیے گئے تو وہ کورونا وائرس کا شکار ہو سکتے ہیں۔
بایو میٹرک اندراج کرانے پر سرپنچ ایسو سی ایشن کے صدر کا اعتراض
نذیر احمد رینا نے کہا 'ایک طرف انتظامیہ کورونا وائرس کو ختم کرنے کے لیے تدابیر ر اور لاک ڈاؤن کے اعلانات کرتی ہے تو وہیں دوسری طرف انتظامیہ کی اس پہل سے کورونا وائرس پھیل سکتا ہے'۔