Urs of Qamar Din Bukhari سید قمرالدین بخاریؒ کا عرس تقریبا 35 سال بعد روایتی طریقے سے منانے کی تیاری

سنہ 1990 کے بعد جموں و کشمیر میں حالات خراب ہونے کی وجہ سے یہ عرس شریف روایتی طریقے سے تین دہائیوں تک نہیں منایا گیا۔ سالانہ عرس سادگی سے منایا جارہا تھا، لیکن اب عرس شریف کے انعقاد کے لیے تیاریاں شروع کی گئی ہیں۔ Urs of Qamar Din Bukhari

گاندربل: جموں و کشمیر کے ضلع گاندربل میں تقریبا 35 سال کے وقفے کے بعد سیدقمر الدین بخاری رح کا عرس شریف منایا جائے گا۔ عرس شریف کے انعقاد کے لئے تیاریاں شروع کی گئی ہیں۔ اطلاعات کے مطابق گاندربل کے ریشی پورہ میں واقع سید قمرالدین بخاری رحمتہ اللہ علیہ کا عرس شریف 3 ستمبر سے شروع ہو رہا ہے۔

واضح رہے یہ عرس شریف تقریبا 35سال کے وقفے کے بعد منایا جا رہا ہے۔ اس حوالے سے آستان عالیہ کے ایک متولی نے بتایا کہ امسال تقریبا تین دہائیوں کے بعد عرس شریف روایتی طور منایا جائے گا۔ قمریہ وقف بورڈ کے پریس بیان کے مطابق عرس شریف 3 ستمبر سے شروع ہوکر 8 ستمبر کو اختتام پزیر ہوگا۔ ہفتہ بھر جاری رہنے والے عرس کے دوران آستان عالیہ پر ختمات المعضمات درود و اذکار اور نعت خوانی کی مجالس آراستہ ہوں گی۔ celebrate Urs Qamar Din Bukhari

عرس کے سلسلے میں تیاریاں شروع ہوئیں ہیں اور آستان کے متصل پارک میں پنڈال، جولے اور دیگر اسٹال لگائے جارہے ہیں جب کہ خانچے فروش بھی عارضی سٹال سجانے جارہے ہیں۔ ذرائع کے مطابق میلے میں شرکت کرنے کے لئے روایتی طور سرینگر سے دریائے جہلم اور نالہ سندھ کے آبی راستے ہاوس بوٹ، شکارے بھی اگلے چند روز میں پہنچنے کی توقع ہے۔ تاہم ذرائع نے بتایا کہ گاڑورہ اور گنڈ رحمان میں تعمیر کئے گئے نئے پُلوں کی کم اونچائی کی وجہ سے ہاوس بوٹوں( ڈونگہ) کو گاندربل پہنچنے میں مشکلات پیش آسکتے ہیں۔ Urs of Qamar Din Bukhari

عرس شریف کے سلسلے میں چند روز قبل ضلع انتظامیہ نے بھی ضلع افسران کی مٹینگ زیر صدارت اے ڈی سی فاروق احمد بابا منعقد کی گئی جس میں عرس کے دوران عقیدت مندوں کے لئے تمام سہولیات جس میں بجلی، پانی، صاف صفائی، ٹرانسپورٹ اور طبی خدمات شامل ہے۔ اس سب کو دستیاب رکھنے کے لئے افسران کو ہدایت دی گئ ۔Arrangements for Urs finalized

واضح رہے سال 1990 کے بعد جموں و کشمیر میں حالات خراب ہونے کی وجہ سے یہ عرس شریف روایتی طریقے سے تین دہائیوں تک نہیں منایا گیا لیکن سالانہ عرس سادگی سے منایا جارہا تھا۔ اس دوران آستان عالیہ کے آس پڑوس میں رہنے والے لوگوں نے بتایا کہ اس میلے کے سلسلے میں یہ میلہ قمریہ گراؤنڈ میں منعقد ہو رہا تھا، تاہم اس گراؤنڈ میں اب ڈگری کالج، کھیل کا میدان اور ایک پارک تعمیر کی گئی ہے ۔ جس کو لے کر جگہ کی کمی بھی ہے، تاہم ایسا لگتا ہے کہ میلے میں لوگ بھر پور شرکت کریں گے۔