’چنار ڈے‘ کے تحت ضلع گاندربل میں شجر کاری مہم

ضلع گاندربل میں محکمہ جنگلات نے فارسٹ پروٹکشن فورس کے دفتر کے احاطے میں چنار درخت لگا کر ضلع میں شجر کاری مہم کا آغاز کیا۔

وسطی کشمیر کے ضلع گاندربل میں منگل کو ’’یوم چنار‘‘ (Chinar Day) کے تحت محکمہ جنگلات نے کئی چنار کے درخت لگا کر مہم کا آغاز کیا۔

شجر کاری مہم کے تحت ضلع کے فارسٹ پروٹکشن فورس دفتر کے احاطے میں قریب نو چنار کے درخت لگائے گئے۔ جس دوران محکمہ جنگلات کے ملازمین کے علاوہ جموں و کشمیر پولیس اور نیم فوجی دستوں کے افسران بھی موجود تھے۔

ذرائع ابلاغ کے نمائندوں سے بات کرتے ہوئے ضلع گاندربل کے ڈی ایف او نے بتایا کہ اس مہم کے تحت محکمہ جنگلات کی جانب سے ضلع بھر میں سینکڑوں چنار کے درخت لگائے جائیں گے۔

انہوں نے کہا کہ محکمہ کی جانب سے ضلع بھر میں امسال قریب 900چنار کے درخت لگائے جانے کا منصوبہ ہے۔

قابل ذکر ہے کہ جموں و کشمیر کے سبھی اضلاع میں شجر کاری مہم کے تحت جنگلاتی اراضی سمیت اسکولوں، کالجوں اور سرکاری دفاتر میں بھی شجر کاری مہم چلائی جا رہی ہے۔