جموں و کشمیر کے ضلع گاندربل کے بٹہ ونیہ علاقے میں آج بلڈ ڈونیشن کیمپ کا اہتمام کیا گیا۔ کیمپ میں مختلف علاقوں سے آئے ہوئے لوگوں نے خون کا عطیہ دیا۔
نیو پیپلز ویلفیئر سوسائٹی نے اس بلڈ ڈونیشن کیمپ کا اہتمام کیا تھا۔ مختلف علاقوں سے آئے ہوئے لوگوں کے علاوہ ضلع پولیس نے بھی کیمپ میں شرکت کی۔
واضح رہے کہ گاندربل ضلع ہسپتال میں ابھی تک بلڈ بینک کا کوئی معقول انتظام نہیں ہے۔ جس کی وجہ سے گاندربل میں بیماروں کو سخت مشکلات کا سامنا کرنا پڑتا ہے۔
مقامی لوگوں نے کہا 'گاندربل میں بلڈ بینک نہ ہونے کی وجہ سے انہیں ایس ایم ایچ ایس ہسپتال کے ساتھ اس بلڈ ڈونیشن کیمپ کا اہتمام کرنا پڑا۔ کیونکہ ضلع گاندربل اسپتال میں بلڈ بینک کا کوئی معقول انتظام نہیں ہے'۔
لوگوں نے مزید کہا 'اگر ضلع ہسپتال میں بلڈ بینک کی سہولت میسر ہوتی تو یہ خون گاندربل ہسپتال میں ہی رہ سکتا تھے'۔