پل پر دیوار بنانے کا مطالبہ

مقامی لوگوں کا کہنا ہے کہ اگر پل پر دیوار نہیں بنی تو بارش اور آندھی کے دوران خطرات بڑھ سکتے ہیں۔

وادی کشمیر کے وسطی ضلع گاندربل میں کنگن علاقے کے لوگوں نے ایک پل پر فینسنگ لگانے کا مطالبہ کیا ہے۔

مقامی لوگوں نے کہا کہ یہ پل علاقے کے کھیتوں کو آپس میں جوڑ دیتا ہے جبکہ کھیتی باڑی کی دوران اس پل پر سینکڑوں افراد دونوں طرف کھیتی باڑی کرنے کے لیے جاتے ہیں، جو خطرے سے خالی نہیں ہے۔

مقامی لوگوں نے کہا کہ اگرچہ اس پل کے نیچے سے پاور ہاؤس کی ایک کنال گزرتی ہے جس میں اس سے قبل بھی حادثات رونما ہو گئے ہیں۔

انہوں نے کہا کہ اس پل پر بچے بزرگ خواتین اور علاقے کے مال مویشی بھی گزرتے ہیں جو علاقے کے لئے خطرہ ہے۔

مقامی لوگوں نے کہا کہ بارشوں اور آندھی کے دوران خطرات اور بھی بڑھ سکتے ہیں۔

مقامی لوگوں نے انتظامیہ سے مطالبہ کیا ہے کہ اس پل کی جلد سے جلد مرمت کی جائے تاکہ علاقے کی قیمتی جانیں بچ سکیں۔